இதற்காகத்தான் அனுஷ்காவை காதலித்தீர்களா விராத்? விராத் கோஹ்லி லவ் ஸ்டோரி..

அடுத்த நட்சத்திரக் கல்யாணத்திற்கு தயாராகுங்கள்.... கிரிக்கெட் உலகில் முடிசூடா மன்னனாக கிரிக்கெட் ரசிகர்களின் மனதையும், தன்னுடைய பேரழகினால் நம் இதயங்களை கொள்ளைக் கொண்ட விரோட் கோஹ்லிக்கு திருமணம்.....

மணமகள் யார் தெரியுமா? நம் பாலிவுட் சுந்தரியும் விராட்டின் காதலியுமான அனுஷ்கா ஷர்மா தான்.

கிட்டதட்ட ஐந்து வருடக் காதல், இடையில் ஏகப்பட்ட கிசுகிசுக்கள், சின்னச் சின்ன சண்டைகள், பிரிவுகள் எல்லாவற்றையும் விட அத்தனைக்காதல். மீடியாவில் அவர்களைப் பற்றிய எந்த செய்தி கசிந்தாலும் உடனடியாக பரபரப்பு தொற்றிக் கொள்ளும்.

எப்படி கடந்தது இவர்களின் ஐந்து வருடங்கள். இருவருக்குமிடையிலான காதல் உணர்ந்த தருணங்கள்,காதலை வெளிப்படுத்திய நிமிடங்கள் , எந்த சூழலிலும் உனக்காக நானிருக்கிறேன் என்று கைகோர்த்த கணங்கள் எல்லாம் ஒரு குட்டி ஃப்ளாஷ்பேக் பார்க்கலாமா?



இருவரும் தங்களது துறைகளில் கொடிக்கட்டிப் பறக்க அதை பயன்படுத்திக் கொள்ள நினைத்தது விளம்பர நிறுவனம் ஒன்று. . 2013 ஆம் ஆண்டு ஒரு விளம்பரத்தில் இருவரும் ஒன்றாக நடித்தார்கள்.

அதன் பிறகு பல இடங்களில் ஒன்றாக சேர்ந்து சுற்ற அவர்களைச் சுற்றி வதந்தியும் சேர்ந்து பறக்க ஆரம்பித்தது.



2014 ஆம் ஆண்டு ஜனவரி மாதம் இந்திய கிரிக்கெட் அணி தென்னாப்ரிகா கிரிக்கெட் டூரின் போது மும்பை வந்திரங்கியது. அணி வீரர்கள் எல்லாம் ஓட்டல் அறைக்குச் செல்ல, நம் ஹீரோவோ மும்பையில் இருக்கிற அனுஷ்காவின் அப்பார்ட்மெண்ட்டுக்குச் செல்கிறார்.

புரளிக்கு உருவம் கிடைத்தது.



இலங்கையில் நடைப்பெற்ற பாம்பே வெல்வெட் என்ற திரைப்படத்தில் பிஸியாக நடித்துக் கொண்டிருந்தார் அனுஷ்கா. அப்போது, திடிரென இலங்கையில் அனுஷ்கா தங்கியிருக்கும் இடத்திற்கே சென்று ஷாக் கொடுத்திருக்கிறார் விராத்.

அதே போல உதய்பூரில் அமிர்கானின் பி.கே திரைப்பட ஷூட்டிங் நடந்து கொண்டிருந்த போது, அப்போதும் அதிரடியாக சர்ப்ரைஸ் ஷாக் கொடுத்திருக்கிறார் விராத். அன்றைக்கு அனுஷ்காவின் 26வது பிறந்தநாள் என்பது கூடுதல் ஹைலைட்



அப்போது வரை இருவரும் இணைந்து வெளியில் தலை காண்பிக்காமல் இருக்க அக்டோபர் 2014 ஆம் ஆண்டு சேர்ந்து காட்சியளிக்க ஆரம்பித்து விட்டனர். அப்போது நடைப்பெற்ற இந்தியன் சூப்பர் லீக் தொடரைப் பார்க்க இருவரும் சேர்ந்தே வருவது, விமானத்தில் ஒன்றாக பயணிப்பது என்று தொடர புரளிக்கு கை கால் முளைத்தது.



நவம்பர் 2014, இலங்கைக்கு எதிரான ஒரு நாள் கிரிக்கெட் போட்டியில் அதிரடியாக விளையாடியது இந்திய அணி. அப்போது அரை சதமடித்த விராத் மைதானத்தில் இருந்த படியே அனுஷ்கா உட்கார்ந்திருந்த திசையை நோக்கி ஒரு ஃப்ளையிங் கிஸ்ஸை பறக்கவிட்டார்.

புரளி வலுவானது.



செல்லும் இடங்களில் எல்லாம் விராத்திடம் அனுஷ்காவைப் பற்றியும் அனுஷ்காவிடம் விராத் பற்றியும் கேட்கப்பட்டது.

எங்கள் இருவருக்குமிடையில் ஒன்றுமில்லை எங்களுக்கு இடையில் மறைத்து வைக்க ஒன்றும் மில்லை, நாங்கள் எதையும் மறைக்கவும் இல்லை மிகச் சாதரணமான இளம் ஜோடிகள் நாங்கள் அவ்வளவு தான் என்று சொல்லி வைத்தார் போல அறிவித்தார்கள்.



விராத்துக்கும் அனுஷ்காவுக்குமிடையில் ஒரு ரிலேஷன்ஷிப் இருக்கிறது என வெளியில் தெரிந்தது எப்போது தெரியுமா? அதற்கு முன்பே லேசாக இவ்விஷயம் வெளியே புகைய ஆரம்பித்திருந்தாலும் 'NH10'


என்ற திரைப்படத்தில் நடித்திருந்த அனுஷ்காவின் பெர்ஃபாமென்ஸை பாராட்டி டிவிட்டரில் அனுஷ்காவின் நடிப்பை பாராட்டி ப்ரில்லியண்ட் ஃபெர்ஃபாமென்ஸ் பை மை லவ் என்று குறிப்பிட்டிருந்தார்.


புரளி மெல்ல நிஜமாக உருவெடுக்க ஆரம்பித்தது.



2014 ஆம் ஆண்டு டிசம்பர் மாதம் மெல்பர்னில் இந்தியா மற்றும் ஆஸ்திரேலியாவிற்கு எதிரான மூன்றாவது டெஸ்ட் போட்டி நடைப்பெற்றுக் கொண்டிருந்தது.

அப்போது கிரிக்கெட் கமெண்ட்ரி கொடுத்துக் கொண்டிருந்தவர் ஆஸ்திரேலியாவைச் சேர்ந்த மைக்கேல் ஸ்லேட்டர். வேகமக வர்ணனைகளை சொல்லிக் கொண்டிருக்கும் போது தவறுதலாக விராத்தின் மனைவியான அனுஷ்கா சர்மா என்று உச்சரிக்க, விஷயம் பயங்கர வைரலானது.



காதலில் அன்பு மட்டும் மாறி மாறி பகிர்ந்து கொண்டிருந்தால் எப்படி? சண்டை வேண்டாமா அப்போது தானே காதல் இன்னும் ஸ்திரமாகும். இதோ நம் லவ்லி கப்புல்ஸுக்கும் சண்டை.

ஆண்களுக்கான மேகசின் ஒன்றின் அட்டைப் படத்திற்கு கவர்ச்சியான போஸ் கொடுத்திருந்தார் அனுஷ்கா. இது விராத்துக்கு சுத்தமாக பிடிக்கவில்லை.

விஷயம் விவகாரமானது.