ஐ.நாவில் சித்திரவதைக்கு எதிரான கூட்டத்தொடரில் ஸ்டாலின் ஈழமக்களுக்காக பேச உள்ளார்

ஜெனீவாவில் உள்ள ஐ.நா மன்றில் ஜூன் 12ம் திகதி, உலக சித்திரவதைகளுக்கு எதிரான கூட்டத்தொடர் ஒன்று இடம்பெற உள்ளது. இதில் உலகில் பல நாடுகளில் மனித குலத்திற்கு எதிராக நடந்த சித்திரவதைகள் தொடர்பாக அலசி ஆரயப்பட உள்ளது. இக் கூட்டத்தொடரில் முக்கிய உறுப்பினராக கலந்துகொள்ள உள்ள, தி.மு.க செயல் தலைவர் ஸ்டாலின் அவர்கள். ஈழத் தமிழர்களுக்கு ஆதரவாக உரையாற்ற உள்ளார் என அதிர்வு இணையம் அறிகிறது.

இதற்கான ஏற்பாடுகளை வழக்கறிஞர் திரு.ராதாகிருஷ்ணன் அவர்கள் ஏற்பாடு செய்துள்ளார். திரு.ராதாகிருஷ்ணன் அவர்கள் தேசிய தலைவர் பிரபாகரன் அவர்கள் சென்னை திருவான்மையூரில் தங்கி இருந்த காலங்களில் அவரோடு நெருங்கிய நட்ப்பு வட்டாரத்தில் இருந்தவர். மேலும் 1983ல் இல் இருந்து ஈழப் பிரச்சனைக்காக தொடர்ந்தும் குரல்கொடுத்து வருகிறார். சற்று முன்னர் அவரை அதிர்வு இணையம் சார்பாக நாம் தொடர்புகொண்டு பேசியவேளை.

12ம் திகதி நடக்கவுள்ள ஐ.நா மன்றில் தளபதி அவர்கள் ஈழத் தமிழர்களுக்கு இழைக்கப்பட்ட கொடுமை தொடர்பாக புள்ளிவிபரங்களோடு பேச உள்ளதாக எம்மிடம் தெரிவித்துள்ளார். மேலதிக பல ஆவணங்களையும் சாட்சிகளையும் அதிர்வு இணையம் தளபதி ஸ்டாலினிடம் கையளிக்க உள்ளது என்பதனையும் நாம் இவ்வேளையில், தெரிவித்துக்கொள்ள விரும்புகிறோம்.