ஜப்பானில், முதியோர் இல்லத்தில் தீ விபத்து: 11 பேர் பலி..

வடக்கு ஜப்பானில் ஹொக்கைடோ நகரில் சப்போரோ என்ற பகுதியில் உள்ளூர் அமைப்பு முதியோர் இல்லம் ஒன்றை நடத்தி வருகிறது.  3 அடுக்குகள் கொண்ட மாடியில் நிதி நெருக்கடியில் இருக்கும் முதியோர்கள் குறைந்த வாடகையில் தங்கி உள்ளனர்.  அவர்களுக்கு வேலை கிடைப்பதற்கான பணியையும் இந்த அமைப்பு செய்து வந்துள்ளது.

இந்த நிலையில் நேற்றிரவு அங்கு திடீரென தீ விபத்து ஏற்பட்டு உள்ளது.  இதில் 8 ஆண்கள் மற்றும் 3 பெண்கள் என 11 பேர் சிக்கி பலியாகினர்.  மற்ற 5 பேர் சிறிய காயங்களுடன் தப்பினர்.

இதனை தொடர்ந்து அதிகாரிகள் பலியானவர்களை அடையாளம் காணும் பணியில் ஈடுபட்டு உள்ளனர்.  பனிபடர்ந்த சூழ்நிலையில் தீயணைப்பு வீரர்கள் தீயை அணைக்கும் பணியில் ஈடுபட்டு உள்ளனர்.  சம்பவம் நடந்தபொழுது ஊழியர்கள் யாரும் பணியில் இல்லை என கூறப்படுகிறது.